Нақра

Нақра (ар. — зарб, задан), яке аз усулҳои зарби мусиқӣ. Ченаки зарбии (вазни) Нақра дар рисолаҳои мусиқии гузашта бо ҳарфдои арабии  (т) ва (н)  ифода мешуд. Аз пайвастани ҳиҷоҳои дарозу кутоҳ Нақраҳои муайян ба вуҷуд меоянд. Масалан, танан (аз як ҳиҷои кӯтоҳи та ва як ҳиҷои дарози нан), та ванан (ду ҳиҷои кутоҳи та, на ва як ҳиҷои дарози нан) ва ғайра Абдулмӯъмин Сафиуддини Урмавӣ, Маҳмуди Шерозӣ, Абдурраҳмони Ҷомӣ, Зайнулобидини Ҳусайнӣ, Дарвешалии Чангӣ ва олимони дигар дар рисолаҳояшон оид ба Нақра маълумот додаанд.