Наимов Қаробой

Наимов Қаробой (таваллудаш 10. 02. 1923, деҳаи Мингтути ҳозира pайони Турсунзода), пахтакор, ветерани меҳнат, Қахрамони Меҳнати Сотсиалистӣ (1948). Аъзои КПСС аз соли 1943. Иштирокчии Ҷан­ги Бузурги Ватанӣ. Солҳои 1935— 1942 колхозчӣ, 1946— 1948 сардори звеноӣ пахтакории колхози ба номи В. И. Ленини pайони Регар, 1948—1951 котиби Комите­ти районии комсомол, 1951—1955 инструктори Комитети партиявии райони Регар. Солҳои 1955—1959 Мактаби олии ВТССПС-и Ленинградро ғоибона хатм кард. Солҳои 1955—1962 раиси Комитети иттифоқи касабаи муаллимон, 1962— 1975 ҷонишини раиси Комитети иҷроия ва аз 1975 раиси иттифоқи каса­баи хоҷагии қишлоқии pайони Регар. Наимов дар инкишофи соҳаи пахтакории район саҳми сазовор дорад. Дар съезди 15-уми ПК Тоҷикистон номзад ба аъзоии КМ ПК Тоҷикистон интихоб шудааст. Бо ордени Ленин, медалҳо, Грамотаҳои Фахрии Президиуми Совети Олии РСС Тоҷикистон мукофотонида шудааст.