Набот

Як навъ ширинии зардчатоб ё шаффофест, ки аз кристаллҳои калон иборат аст. Дар мамлакатҳои Осиёи Наздик ва Миёна маъмул аст. Дар таркибаш 99,75% сахароза дорад. Намиаш то 1%. Барои ҳосил шудани 10 кг Набот 24,9 кг шакар, 0,01 кг сафеда, 0,004 кг декстрин лозим аст.

Технологияи инстеҳсолӣ Набот: 2 ҳисса шакар ва 1 ҳисса обро (масалан, ба 10 кг шакар, 5 литр об) ба дег андохта оҳиста меӯҷӯшонанд, ки дар натиҷа шарбат ҳосил мешавад. Шарбатро нағз омехта то пайдо шу­дани кафк меҷӯшонанд, кафкро гирифта ҷӯшонданро қатъ менамоянд. Ба шарбат тухм (ба 80—100 кг шар­бат 1 л об ва якто тухм) меандо- аанд. Шарбатро боз чушонда кафкашро гирифта меистанд. Баъд дар деги махсус 3—4 қатор ресмони са- федро параллел мекашанд. Нӯкҳои ресмонро ба дег бо ширеш мечаспонанд. Шарбати дар дигар дег ҷӯшидаро ба деги ресмонкашидашуда ме­резанд, баъди як соат дар рӯи шар­бат парда ҳосил мешавад. Дегро бо сарпӯши махсус пӯшида 3 шаборӯз дар ҳамон ҳолат мегузоранд. Дар ин муддат дар атрофи ресмонҳо кристаллҳо ба вуҷуд омада, ҳаҷман ка­лон шудан мегиранд. Баъди 3 шабо­рӯз сарпӯши дегро гирифта, шарба­ти дар дег боқимондаро ба зарфи дигар мерезанд, ки онро дар қанноди истифода мебаранд. Наботи дар таги дег часпидаро ҳам истеъмол менамоянд. Шушаҳои ба ресмон часпи­даро аз дег гирифта дар рӯи миз мехушконанд ва Набот тайёр мешавад.