МУЛЛОҚАНДОВ Авнер Кувнович (таваллуд 28. 3. 1911, Самарканд), сарояндаи операи тоҷик (баритон). Артисти Халқии Республикаи Советии Сотсиалистии Тоҷикистон (1941). Аз оилаи хизматчӣ. Аъзои Партияи Коммунистии Иттифоқи Советӣ КПСС аз сои 1940. Соли 1931 Омӯзишгоҳи мусиқии Ленинободро хатм кардааст. Солҳои 1933—34 артисти Театри мусиқии яҳудиён дар Самарқанд. Муллоқандов соли 1935 баъди хатми курси яксолаи режиссёрии назди Театри драмаи Ӯзбекистон ба номи Ҳамза ба Театри мусиқии тоҷик (аз 1940 Театри давлатии опера ва балети ба номи Садриддин Айнӣ) меояд. Дар ин театр як қатор партияҳои асосиро иҷро кардааст: Неъмат («Халима»-» Ғ. Зафарӣ, 1937), Фирӯз («Лола»-и С. Баласанян ва С. Урбах, 1941), Назир («Шӯриши Восеъ»-и С. Баласанян, 1944), Онегин («Евгений Онегин»-и П. И. Чайковский, 1946), Эскамилъо («Кармен»-и Ж. Бизе, „1947), Валентин («Фауст»-и В. Вагнер, 1952), Риголетто («Риголетто»-и Ҷ. Верди, 1953), Валӣ («Аршин мол-олон»-и У. Ҳоҷибеков, 1955), Мазепа («Мазепа*-и П. И. Чайковский, 1956), Шарплес («Чио- чио сан»-и Ҷ. Пуччини, 1956), Акрам («Пӯлод ва Гулрӯ»-и Ш. Сайфиддинов. 1957) ва ғайра. Солҳои 1961—62 дар Театри давлатии академии драмаи ба номи Лоҳутӣ кор кардааст. Муллоқандов солҳои 1926—64 ҳофизӣ ҳам кардааст. Аз соли 1963 ба кори педагогӣ машғул аст. Муллоқандов бо ордени Байрақи Сурхи Меҳнат, 2 ордени «Нишони Фахрӣ» ва якчанд медалу грамотаҳо мукофотонида шудааст.
Я. Нурҷонов.