ХАРТУМЧАДОРҲО

ХАРТУМЧАДОРҲО, гамбускҳои нӯлдароз (Curculionidae), як оилаи гамбускҳоро гӯянд, қи қисми пеши сарашон ба монанди хартумча дароз шудааст. Аксари хартумчадорҳо фитофаганд, яъне узвҳои гуногуни растаниҳои сабзро мехӯранд; танҳо баъзеи онҳо, масалан, Соssоnus дар чӯби пӯсида афзоиш мекунанд ва кирминаи онҳо решаи растаниҳоро мехӯрад.
Бисёр хартумчадорҳо зараррасонҳои зироати хоҷагии қишлоқ мебошанд: гамбуски лаблабу, юнучқахӯрак, гамбуски пахта (Аnthonomus grandis), гулхӯраки себ (А. роmorum), гамбуски ҷалғӯза (Сиrculio glandium), гамбуски нахӯд (Sitona Lineatus) ва ғайра.