ФАҒФУР Сайид Муҳаммадҳусайни Лоҳиҷӣ

ФАҒФУР Сайид Муҳаммадҳусайни Лоҳиҷӣ (соли таваллуд номаълум — вафот 1619, Оллоҳободи Ҳиндустон), шоир ва донишманди эронӣ. Зодгоҳаш — Лоҳиҷони Гелон. Дар оғоз бо тахаллуси Расмӣ шеър мегуфт. Ба шаҳрҳои Эрон, Ироқ ва Гурҷистон сафар кардааст. Сипас, ба Ҳинд руй овард.
Мувофиқи маълумоти тазкираи «Майхона» девони ашъори иборат аз 5 ҳазор байт доштааст. Дар тазкираи мазкур «Соқинома»-аш (107 байт) омадааст. Дар тазкираҳои дигар низ шеърҳои зиёдаш сабт гардидаанд. Таассуроти сафарашро ба Гурҷистон дар манзумаҳои «Сифати замини Гурҷистон», «Сифати майфурӯш» иброз доштааст. Ин байт аз ӯст:
Ин қавми худнамо, ки набинанд айби хеш,
Оинна кош дар гарав тутиё кунанд.