БОТНИК

БОТНИК (шведӣ Bottniska viken, финӣ pohjanlahti), халиҷ дар қисми шимолии баҳри Балтика, байни Шветсия ва Финляндия. Дарозиаш 668 километр, бараш то 240 километр, масоҳаташ 117000 км², умқаш дар шимол 110 метр, дар ҷануб то 290 метр. Ботник ба ду қисм ҷудо мешавад: шимол – Боттенвик (халиҷи Ботник) ва ҷануб – Боттенхав (баҳри Ботник), ки ба воситаи гулӯгоҳи Норра-Кваркен бо ҳам пайванданд. Бо баҳри Балтика ба воситаи гулӯгоҳи Сёдра – Кваркени байни ҷазираҳои Аланд ва соҳили Шветсия пайваст аст. Аз ноябр то июн ях мебандад. Ҳарорати об дар тирамоҳу зимистон 0°С, тобистон то 13°С. Бандарҳои асосиаш: Васа, Оулу (Улеаборг), Пори (Финляндия), Лулео Умео (Шветсия).