БОҚИРИИ ҲИРАВӢ

БОҚИРИИ ҲИРАВӢ шоири форс-тоҷик (асри 15). Дар зодгоҳаш – шаҳри Ҳирот улуми мутадовилаи даврашро омӯхта, ба камол расидааст. Пас аз касби камол ба доираи адабии дарбори Султон Ҳусайни Бойқаро ворид шуд. Дар шеъру шоирӣ шогирди Шаҳдоби Ҳиравӣ – шоири маъруфи замонаш буд. Боқирии Ҳиравӣ дар анвои гуногуни назм – қасидаву ғазал, рубоӣ ва ғайра шеърҳо эҷод кардааст, ки намунаҳои онҳо тавассути тазкираҳо расидаанд. Дар муаммогӯӣ дасти қавӣ доштааст. Муаммои зерин ба исми «рукн» аз сурудаҳои ӯянд:

Рақиб дид, ки сайдам намуд ғамзаи ёр,

Зи рашк сӯхт дилаш чун ба ноз кард шикор.

С. Ализода.