Абдуназаров Хушбахт

Абдуназаров Хушбахт (7. 4. 1946, ноҳияи Темурмалик), доктори илми таърих (2009). Хатмкардаи Техникуми тарбияи ҷисмонии шаҳри Душанбе (1966) ва факултети таърихи УДТ (1973, ғоибона). Дар мактаби зодгоҳаш ав­вал муаллим ва баъд директор буд.

Раиси Ҷамоати деҳоти Қушияи ноҳияи Совет (1993 – 1908), омӯзгор, дотсенти кафедраи илмҳои ҷамъиятӣ, декани факултети таърих ва ҳуқуқи Донишгоҳи давлатии Қурғонтеппа ба номи Носири Хусрав. Аз соли 2008 мудири кафе­драи таърихи умумии ҳамин донишгоҳ. Доир ба таърихи даврони шӯравии Тоҷикистон беш аз 50 асари илмӣ, илмию оммавӣ, дастурҳои таълимию методӣ таълиф намудааст.

Ос: Деятельность Компартии Таджикистана по атеистическому воспитанию трудящихся (1971 – 1980 гг.), Д., 1986; Становление и разви­тие общественного животноводства в Таджики­стане (1924 -1991 гг.), Д., 2009.