Абдуллоев Давлатбек (1918, деҳаи Новдонаки Рашт – 2008, ноҳияи Вахш), пахтакор, Қаҳрамони Меҳнати Сотсиалистӣ (1949). Колхозчии колхози «Роҳи Ленин»-и ноҳияи Октябр (1935 – 1942). Иштирокчии Ҷанги Бузурги Ватанӣ (1942-1945), сардори звено ва бригадаи пахтакории колхози «Коммунизм»-и ноҳияи Октябр (1946-1950).
Хатмкардаи (ғоибона) факултети агрономии Институти хоҷагии қишлоқи Тоҷикистон (1970). Звенои Абдуллоев солҳои 1947 – 1948 ҳосили фаровони пахтаи маҳиннах гирифтааст. Бо орденҳои Ленин, Ҷанги Ватанӣ (дараҷаи II), «Ситораи Сурх», Шараф (дараҷаи II) ва медалҳои тиллову нуқраи НКХХ СССР сарфароз гардидааст.