Абдол Султон, Абдумалик (таваллудаш номаълум – вафоташ 1580, Ҳисор), яке аз салотини Шайбониён, фарзанди Абдуллатифхон ва набераи Кӯкунчихон.Абдол Султон дар аҳди Искандархон (1561 – 1583) ҳокими Зомин будааст.
Вай дар талошҳои худ барои касби тахту тоҷ аз рақибонаш шикаст хӯрда, ба Кӯҳистон ва аз он ҷо ба Ҳисори Шодмон рафт ва дар мубориза бо Ӯзбек Султон ба қатл расид. Пас аз қатлаш ҷасади ӯро ба Самарқанд оварданд ва дар мадрасаи Кӯкунчихон ба хок супурданд. Абдол Султон табъи шоирӣ дошта, бо тахалусаш «Хуш» ба забонҳои форсӣ ва ӯзбеки шеър сурудааст.
Ад.:Мухторов А.,Ҳисор.Очеркитаърихӣ (Охири асри XV – аввали асри XX), Д., 1995; Ӯзбекистон миллим энсиклопедияси, I ж., Тошкеит, 2000.