Навкат ёдгории археологии давраи палеолит; боқимондаҳои суфа- чаҳои плейстотсени боло дар соҳили чапи дарёи Сир. Аз гурӯҳи ёдгориҳоест, ки аз пуштакӯҳи Сомғор то деҳаи Навкат ба назар мерасанд ва бо номи боаёфтҳои палеолити миёнаи Қайроққум маълуманд. А. П. Оклад­ников соли 1956 тадқиқ намуда, олоти палеолитӣ ёфт. Дар ин ҷо ҳамагӣ …

Навил Кушур (1836, Али­гарҳ;—1895, ҳамон ҷо), муншӣ, рӯзноманигори ҳинду, муассиси чопхона, ношир ва тоҷири китобҳои шарқӣ. Забони модариаш урду. Дар оилаи муншӣ Ҷамна Дас таваллуд шуда, дар литсеи Агра ва донишкадаҳои Лоҳур таҳсил карда, забонҳои форсӣ ва арабиро омӯхтааст. Соли 1858 дар Лакҳнав чопхона ташкил карда, ба нашри маҷаллаи “Ауд …

Навидии Турбатӣ (соли таваллуд ва вафоташ номаълум), шоири форсизабони Ҳиндустон. Дар асри 17 умр ба cap бурдааст. Тарҷеъбандаш дар ҳавҷи яке аз дарбориёни Байрамхон ӯро маълуму машҳур гардонида буд. Дар навъҳои гуногуни шеър ҳунарнамоӣ карда, ашъораш­ро дар девоне ҷамъ овардааст, вале он девон имрӯз дастрас нест.

Навидии Куланг (соли таваллудаш номаълум — вафоташ 1460), шоири форс-тоҷик. Дар Балх таваллуд ёфта, пас аз ба камол расидан қисмати зиёди умрашро дар Бухорову Са­марқанд гузаронидааст. Навидии Куланг шахси донишманд, табъаш хеле баланд будааст. Дар сӯҳбатороӣ, ҳозираҷавобӣ машҳур буд. Чанде ба яке аз шайхони тариқати суфия — Мавлоно Муҳаммадамини Зоҳир …

Навигатсияи ҳавоӣ, аэрона­вигатсия, илм дар бораи усул ва воситаҳои ровдани аппаратҳои париш (АП)—самолётҳо, вертолётҳо ва ғайраҳо; маҷмӯи амалиёт барои муайян кардани унсурҳои навигатсия аз тарафи пунктҳои рӯизаминии идораи парвоз ё дар борти АП ва истифодабарии онҳо дар рондани АП. Ғайp аз он Навигатсияи ҳавоӣ масъалаҳои чузъии нави- гатсионӣ — дар байни …

Навигатсияи кайҳонӣ ба маънои васеаш — идора кардани ҳара- кати аппарати кайҳонӣ, ба маънон маҳдудаш — муайян намудани мавқеи он, пешбинии ҳаракати он чун нуқтаи материалӣ ва бадо додан ба натиҷаи ин пешбинӣ аз рӯи иҷрои вазифаи асосӣ. Системае, ки ин вазифаҳоро иҷро мекунад, василаҳои ҳам бортӣ ва ҳам рӯизаминии …

Навигатсия (лот. navigatio, аз navigo — дар киштӣ шино мекунам) 1) баҳрнавардӣ, киштигардӣ; 2) дав­ри муайяни сол, ки дар он вобаста ба иқлими маҳал киштигардӣ имконпазир аст; 3) фасли асосии киштиронӣ, ки дар он асосҳои назарӣ ва усулҳои амалии рондани киштиҳо мавриди баррасӣ қарор мегиранд. Навигатсияи  баҳрӣ давраҳои қадим cap …

Деҳаест дар Совети қишлоқ Машъали pайони Вахш, вилояти Қурғонтеппа. Территория Иттиҳодияи байнихоҷагии қарокӯлпарварӣ. Аз Навзамин то мар­кази Совети қишлоқ 32 км, то район 52 км; роҳаш асфалтпӯш. Аҳолиаш 370 нафар (1982), тоҷикон. Мактаби ибтидоӣ дорад. Соҳаи асосии хоҷагӣ — чорво­дорӣ. Заминҳо аз деҳаи Вахш обёрӣ ме­шаванд.

Деҳа, маркази Совети қишлоқ Навдии pайони Ғарми РСС Тоҷикистон Территорияи солхози «50-солагии Тоҷикистон». Аз Навдӣ то маркази район 6 км; роҳаш асфалт­пӯш. Аҳолиаш 1100 нафар (1982), тоҷикон. Деҳа мактаби миёна, хонаи маданият, китобхона, пункти тиббӣ ва кинотеатр дорад. Соҳаи асосии хоҷагӣ — богдорӣ. Ахҳлӣ аз оби чашмаҳо истифода мебарад.

Деҳаест дар Совети қишлоқ. Арали pайони Куйбишев, вилояти Қургонтеппа. Территорияи колхози ба номи Калиния. Аз Навдӣ то маркази Совети қишлоқ 2 км, то район 10 км; роҳаш асфалтпӯш. Аҳолиаш 1100 нафар (1982), тоҷикон. Деҳа мактаби 8-сола, клуб, магазин дорад. Соҳаи асосии хоҷагӣ — пахтакорӣ. Замин­ҳо аз деҳаи Вахш обёрӣ мешаванд.