ТРИТИЙ

ТРИТИЙ (лотинӣ tritium, аз юнонӣ tritos –сеюм), тритий ( ё 3Н), гидрогени вазнин, изотопи бета-радиоактивии гирдроген , ки адади масааш 3 аст. Соли 1934 олимони англис Э. Резерфорд, М.Л. Олифант ва П. Хартек кашф кардаанд. Ядрои атоми тритий аз як протон ва 2 нейтрон иборат аст. Тритий фаъол буда, давраи нимкоҳишиаш Т ½= 12, 26 сол мебошад. Дар табиат тритий ба миқдори кам аз таъсири нейтронҳои нурҳои кайҳонӣ ба атоми нитроген (147N+n=31 T+126C) ҳосил мешавад. Миқдори тритий дар обҳои табиӣ хеле кам буда, ба ҳисоби миёна ба ҳар 10 18 атоми 1Н 1 атом тритий рост меояд. Дар саноат тритийро дар реакторҳои нурборонкунии литий ҳосил мекунанд:
63 Li+n=31T+42 He
Тритийро ҳамчун муҳимтарин ҷузъи таркиби синтези термоядроӣ, чун сузишворӣ (дар бомбаҳои термоядроӣ), инчунин дар тадқиқотҳоои химиявӣ, биологӣ ва гидрологӣ васеъ истифода мебарад.