ТИМЕЙ

ТИМЕЙ (Тimaios) (тақрибан 356— тақрибан 260 то мелод). муаррихи Юнони Қадим. Аслан аз Тавромения (к. Сисилия). Муаллифи як қатор асарҳо буда, беҳтарини он “Таърих” (иборат аз 38 ё 43 китоб) буд. Дар он Тимей таърихи Сицилияро аз давраҳои қадим то марги Пирр (шоҳи Эпир; 273 то мелод) баён карда, оид ба Италия ва Африкаи Шимолӣ (Карфаген) маълумот овардааст. Порчаҳои парокандаи осори Тимей дар асарҳои муаллифони минбаъдаи атиқа боқӣ мондаанд.