САНТАНДЕР , шаҳр ва бандарест дар шимои Испания, дар вилояти Кастилияи Кӯҳна, дар соҳили халиҷи Бискай. Маркази маъмурии музофоти Сантандер. Аҳолиаш 162 ҳазор нафар (1974). Маркази муҳими саноат ва савдо.
Соҳаҳои саноаташ: металлургӣ, коркарди металл, мошинсозӣ (аз ҷумла киштисозӣ), химия (аз ҷумла истеҳсоли пластмасса), коркарди нефт, бофандагӣ, коғаз, тамоку ва ҳӯрокворӣ (аз ҷумла коркарди моҳӣ). Университет (таъсисаш 1892) ва курорти наздибаҳрӣ дорад.