РЕЗИШГОҲ

РЕЗИШГОҲ, ҷои ба баҳр, кӯл ва дарёи дигар рехтани оби ягон наҳр. Ҷои дар биёбони регзор барҳам хӯрдани дарёро низ Резишгоҳ меноманд. Резишгоҳ  якчанд  хел аст: Резишгоҳи о д д ӣ — маҷрои дарё дар резишгоҳи худ ба шохаю обравҳо тақсим намешавад (масалан, дарёи Тибр);  д е л  т а — маҷрои дарё дар назди резишгоҳ ба шохаҳо ва обраву обгузарҳо тақсим мешавад (дарёи Волга); эстуарий — резишгоҳи қифшакле, ки ба тарафи баҳр васеъ шуда меравад (дарёи Темза); Резишгоҳи   л и м а н ӣ — Резишгоҳи васеи ха-лиҷмонанд, ки дар натиҷаи зери оби баҳр мондани водии дарё ҳосил шудааст (дарёи Буғи Ҷанубӣ); Резишгоҳ и муаллақ — ба шохоби дарёҳои кӯҳӣ хос аст (ба шарте, ки Резишгоҳи дарёи кӯҳӣ нисбат ба дарёи асосӣ баландтар бошад); Резишгоҳи саргум — ба он дарёҳое мансуб аст, ки то баҳр ё кӯл нарасида, дар дашту биёбонҳо барҳам мехӯранд. Аксари бандарҳои калонро дар Резишгоҳ месозанд.