РАМАЗОН (арабӣ— гарм, гармии тоқатфарсо), моҳи нӯҳуми солшумории ҳиҷрии шамсӣ, ки онро моҳи рӯза ё моҳи сиём низ гӯянд. Рамазон аз 30 рӯз иборат буда, дар ин моҳ мусулмонон рӯза мегиранд. Дар интиҳои моҳ се рӯз иди Рамазон давом мекунад. Рамазан аз рӯи солшумории милодӣ ҳар сол монанди дигар моҳҳои солшумории ҳиҷрии қамарӣ 10 рӯз пеш меояд. Соли 1984 Рамазон ба 31 май—29 июн рост омад.
М. Раҳимов.