РАСАДХОНАҲОИ БАҲРӢ

РАСАДХОНАҲОИ БАҲРӢ, расадхонаҳои махсуси гидрометеорологиеанд, ки вазифаашон аз тадқиқи ре­жими гидрометеорологии баҳр ва аз ҷиҳати методӣ роҳбарӣ кардан ба стансия ва постҳои гидрометеороло­гии баҳрӣ иборатанд. Бештари Расадхонаи баҳрӣ флоти баҳрӣ ва моҳидориро бо маълумоти гидрометеорологӣ таъмин менамоянд. Онҳо прогнози обу ҳаво ва ғалаёнҳои баҳриро тартиб медиҳанд, ҳодисаҳои метеорологиеро, ки барои киштигардӣ ва экваторияҳои портхо хавфноканд, пешгуӣ мекунанд.