ЧАКОВАК, чакова, чаков, чекак, қуббара, сӯфи тӯрғай (Calerida cristata), як навъ паррандаи хурди хушовозро гўянд. Ба қатори гунҷишкҳо мансуб аст. Дарозии баданаш 17—19 см; вазнаш 39—46 г. Болу параш хокиранг буда, холҳои тира дорад. Нўлаш рост, пойҳояш боқувват ва ангушти охирини чанголаш дарози тез аст. Дар сараш парҳои нисбатан дароз дорад, ки тоҷро мемонад. Чаковак дар ҳамаи республикаҳои Осиёи Миёна вомехӯрад.