ЯЪҚУБОВ Охунҷон

ЯЪҚУБОВ Охунҷон (1892, Хуҷанд —1969, ҳамон ҷо), кандакор ва наққоши тоҷик. Писари усто ва кандакори машҳур Яъқубҷон Ҳоҷиқобилов (Яъқубҷони Фарангӣ). Нозукиҳои санъати кандакории чуб ва муқарнасозиро аз падараш омухта, дар ш.-ҳои Самарқанд, Фарғона, Намангон маҳораташро такмил додааст. Дертар бо сабаби беморӣ азамалҳои мураккаби кандакорию наққошӣ даст кашида, асосан ба офаридани қалламуқарнасу ҳавзак ва нусхаи онҳо машғул шудааст. Я. ҳамчун гулбури фанерҳои сақф низ, ки дар меъмории с-ҳои 30 дар Тоҷикистон маъмул буд, шуҳрат ёфтааст. Муддате челонгарӣ низ кардааст. Беҳтарин намунаҳои ҳунари кандакорӣ ва наққошии Я. дар ороиши интерьери бинои Театри мазҳакаи мусиқии ба номи А. С. Пушкина Ленинобод зоҳир шудааст. Лауреати Мукофоти давлатии РСС Тоҷ. ба номи А. Рудакӣ (1964).

М.Рузиев.