ХОМАК, пойафзолеро гўянд, ки аз пўсти хоми гову асп, буз тайёр мекарданд. Хомакро тавре медўхтанд, ки муи пуст ба рўи пойафзол меомад. Соқи Xомак назар ба соқи чоруқ кўтоҳтар (тақр. 20—30 см) буд. Хомакро баъди пўшидан бо ресмон маҳкам мебастанд.
Онро асосан мардуми кўҳистон ҳангоми корҳои хоҷагии қишлоқ (бештар кишту кор), инчунин шикор мепўшиданд. Xомак бештар дар байни тоҷикони Қаротегину Дарвоз маъмул буд, алҳол аз байн рафтааст.
Ад.: Таджики Каратегина и Дарваза, в. 2, Д., 1970.