Шаҳри УЖГОРОД

УЖГОРОД, шаҳр, маркази вил. Закарпатияи РССУ. Дар соҳили дарёи Уж воқеъ аст. Стансияи роҳи оҳан. Аҳолиаш 105 ҳазор нафар (1984). Корхонаҳои саноати сабук, чӯбкорӣ, мошинсозӣ, хӯрокворӣ, заводҳои маснуоти оҳану бетонӣ, химияи рӯзгор ва ГРЭС дорад.

Университет, 2 театр мавҷуд аст. Мувофиқи маълумоти археологӣ Ужгород дар асрҳои 8—9 бунёд ёфтааст. Ёдгориҳои меъмориаш: қалъа (асри 11), калисо (асри 18), қасри епископ («асри 17; ҳоло китобхонаи университет).