ТУХМДОН, пестик (рistillum), узви самаровар (репродуктивӣ)-и гулро гӯянд. Тухмдон дар миёнаҷои гул ҷойгир шудааст.
Тухмдон аз гардгирак, сутунча ва ғӯрак иборат аст. Дар ғӯрак тухммуғҷа ҷой гирифтааст ва аз он баъди гардолудӣ гухм ташаккул меёбад, аз девораи ғӯрак мевапарда ҳосил мешавад. Тухмдон (ё тухмдонҳо агар тухмдони гул якчандто бошад) баъди гардолудӣ ба мева табдил меёбад.