ТИРБОРОНИ ЛЕНА

ТИРБОРОНИ ЛЕНА, тавассути қӯшунҳои ҳукумати подшоҳи ҷазодиҳии корпартофтагонеро гӯянд, ки барои ҳабс шудани аъзоёни комитети корпартоӣ ба тариқи эътироз намоиш барпо карда буданд. Тирборони Лена 4 (17) апрели 1912 рух дод. Дар натиҷа 270 кас кушта ва 250 нафар ярадор шуд. Тирборони Лена такони бузурге барои инкишофи руҳияи революционӣ дар Россия гардид; дар корпартоиҳои эътирозӣ ва маҷлису намоишҳо зиёда аз 300 ҳазор нафар иштирок карданд.