ТЕРМОПАРА

ТЕРМОПАРА, унсури гарми ҳассоси асбобҳои ҳароратсанҷ, системаҳои идора ва вазоратро гӯянд; аз ду элементи гуногунҷинсаи алектргузарон (одатан ноқилҳои металлӣ, баъзан нимноқилҳо)-и ҳамвасл иборат аст. Тарзи кори Термопара ба ҳодисаи Зеебек асос ёфтааст. Агар ҳарорати контактҳои элементҳои электргузарон (онҳоро бештар термоэлектрод меноманд) гуногун бошад, дар Термопара ҚЭҲ (ҚЭҲ-и термикӣ) ба вуҷуд меояд.

Бузургии ҚЭҲ ба ҳароратҳои контактҳои «гарм» ва «хунук» ва хусусиятҳои термоэлектрод вобаста аст. Термопара якҷоя бо асбобҳои электрсапҷ (миливолтметр, потенциометр ва ғайра) термометри термоэлектриро ташкил медиҳад. Вобаста ба сохт ва таъинот Термопараи зериобӣ, сатҳӣ, пардадори оддӣ, натарканда, намногузарон ва бепарда, ба ларзишии ҷунбиш ва зарба тобовар, стационарӣ, санёр ва ғайра мешаванд.