ТАЪМИНИ КОР, дар СССР системаи давлатии чораҳои ташкилию ҳуқуқии ба кор даромаданро гӯянд. Тавассути органҳои давлатӣ оид ба истифодабарии захираҳои меҳнатӣ, аз ҷумла муташаккилона ба кор ҷалб кардани коргарон ба амал бароварда мешавад.
Ҳангоми гузаронидани чорабиниҳои таъмини кор барои баъзе категорияи гражданҳо дар корхонаю ташкилотҳо кафолатҳои махсус пешбинӣ шудааст. Дар республикаҳои иттифоқӣ ва автономӣ, кишварҳо, вилоятҳо, шаҳрҳо ва районҳо барои ҷавонон комиссия оид ба таъмини кор ташкил карда шудааст, ки ҳайати онро намояндагони органҳои советӣ, партиявӣ, иттифоқи касаба, комсомол ва органҳои маорифи халқ ташкил медиҳанд. Мувофиқи брони муқарраршуда инвалидон низ ба кор қабул карда мешаванд.