СТРУКОВ Анатолий Иванович (таваллуд 6. 4.1901, Спасск, ҳоло вилояти Тула), патологоанатоми советӣ, акад. АИТ СССР (1966), Қаҳрамони Меҳнати Социалистӣ (1971). Аъзои КПСС аз соли 1942. Аз соли 1945 роҳбари лабораторияи патологияи шуши Институти анатомияи патологӣ ва нормалии Москва, кафедраи анатомияи патологии Институти тиббии 1-уми Москва ва лабораторияи Институти морфологияи одам. Асару мақолаҳои асосии Струков ба «масъалаҳои сил, патологияи шуш, атеросклероз, бемориҳои гипертонӣ, инфаркти миокард, инчунин бемориҳои коллагенӣ оиданд. У сармуҳаррири нашриёти адабиёти тиббӣ (1948 —59), журнали «Архив патологии» (аз соли 1968) буд. Лауреати Мукофоти ленинӣ (1974).