СТЕРЕОХИМИЯ

СТЕРЕОХИМИЯ, як соҳаи химияро гӯянд, ки сохти фазоии молекула ва таъсири онро ба хосияти физикии молекула (Стереохимияи статикӣ), инчунин ба самт ва суръати реакцияҳои химиявӣ (Стереохимияи динамикӣ) меомӯзад. Стереохимия асосан моддаҳои органикӣ ва қисман ғайриорганикӣ (пайвастҳои комплексӣ ва хелатӣ)-ро тадқиқ мекунад.

Стереохимияи муосир дар химия, технологияи полимерҳо, биохимия, тиб ва фармакология аҳамияти калони амалӣ дорад.