ШӮРОИ ИТТИФОҚ

СОВЕТИ  ИТТИФОҚ, яке аз ду палатаи Совети Олии СССР, ки дар асоси ҳуқуқи умумӣ, баробар ва бевоситаи интихобот бо овоздиҳии пинҳонӣ интихоб мешавад. Совети Иттифоқ дар округҳои интихоботии шумораи аҳолиашон баробар интихоб карда мешавад. Совети Иттифоқ манфиатҳои ҳамаи гражданҳои совотиро, сарфи назар аз мансубияти миллиашон ифода мекунад, аз ин ҷиҳат аз Совети Миллатҳо фарқ мекунад. Совети Иттифоқ бо Совети Миллатҳо баробарҳуқуқ аст. Совети Иттифоқ барои роҳбарӣ ба кори маҷлиси палатаҳо раис, 4 нафар ҷонишинони он ва комиссияҳои доимӣ интихоб мекунад.