СЕДОВ Леонид Иванович

СЕДОВ Леонид Иванович (таваллудаш 14. 11. 1907, Ростови Дон), олими советӣ дар соҳаи механика ва математикаи амалӣ, академики Академияи Фанҳои СССР (1953;  аъзо-карреспондент 1946). Қаҳрамони Меҳнати Сотсиалистӣ (1967). Баъди хатми университети давлатии Москва (1930) дар Институти аэрогидродинамикаи Марказӣ (1930—1947) кор кард, аз соли 1937 профессор Университети давлатии Москва. Дар айни замон аз соли 1945 дар Институти математикаи Академияи Фанҳои СССР низ кор мекард. Асарҳояш асосан ба гидромеханика, аэромеханика ва механикаи муҳитҳои яклухт, назарияи шабоҳат ва моделонӣ оиданд. Раиси Совети илмии Академияи Фанҳои СССР оид ба механикаи моеъот ва газҳо (аз соли 1965). Лауреати Мукофоти давлатии СССР (1952). Бо 4 ордени Ленин, дигар ордену медалҳо мукофотонида шудааст.