Паноҳгоҳ

Паноҳгоҳ, иншооти махсусест барои ҳифзи қушунҳо ва аҳолӣ аз тири туп, бомба, зарбаи мавҷи таркиши яроқи ядроӣ, моддаҳои заҳрнок ва радиоактивӣ. Паноҳгоҳ аз ҷиҳати адоза хурд, миёна ва калон меша­вад. Бори аввал Паноҳгоҳро дар давраи Ҷанги якуми ҷаҳонӣ ба кор бурданд.

Аз рӯи таҷрибаи ҳосилшуда пеш аз Ҷанги дуюми ҷаҳонӣ Паноҳгоҳои аз бомба ва газ ҳифзкунанда бисёр сохта шуданд. Дар давраи Ҷанги дуюми ҷаҳонӣ Паноҳгоҳои гуногунро ба­рои ҳифзи қушунҳо, штабҳо ва пунктҳои тиббӣ, дар шаҳру маҳалҳои аҳолинишин барои ҳифзи аҳолӣ аз тири тӯп ва бомба истифода мебурданд.