Нитронӣ

Нитронӣ реакцияҳои химиявие, ки дар натиҷаи онҳо ба молекулаи пайвастҳои органики нитрогурӯҳ — NOs дохил карда мешаванд. Нитрониро асосан бо таъсири кислотаи нитрат ё оксидҳои нитроген ба амал мебароранд. Ҳангоми нитронии парафинҳо, сиклопарафинҳо (реасция» М. И. Коновалов) ва фенолҳо кислотаи нитрати сероб, ҳангоми Нитронии парафинҳо (асосан этан, пропан) дар ҳа­рорати 250—500° Селсия бошад, кислотаи нит­рати консентронида истифода мешавад. Омехтаи кислотаи нитрат ва кислотаи сулфатро барои Нитронии карбогидридҳои ароматӣ ва оксидҳои нитрогенро барои Нитронии карбогидридҳои беҳад истифода мебаранд. Ҳангоми истеҳсоли Нитронӣ ба қоидаҳои бехатарии кор риоя кардан лозим аст.