Намаксанг

Г а л и т, 1) минероали галит, аз рӯи таркиби химиявӣ хлориди натрий NaCl (Na —39,34%, Cl — 60,66%). Системаи кристаллбандиаш кубӣ. Дар табиат ба шакли агрегатҳои кристаллии донадор вомехӯрад. Галити холис берангу шаффоф аст, аммо аз сабаби бо гил, моддаҳои органики, оксидҳои оҳан ва ғайра омехта буданаш аксар бур, сурх ва гулобиранг мешавад. Сахтиаш 2; зичиаш 2173 кг/м³. Дар об нағз ҳал мегардад. Намаксанги дар ҳаpopати 772° С гудохташуда қобилияти баланди электргузаронӣ дорад. Намаксанг бофтаҳои органикиро аз пӯсидашавӣ нигоҳ медорад.

2) Ҷинси кӯҳҳи тахшинист, ки қисми таркиби он ё тамоми онро га­лит ташкил медиҳад. Намаксанги тоза то 90% ва зиёдтар галит дорад. Омехтаҳояш асосан аз гил ва баъзан аз реги маҳиндона иборатанд. Қисми зиёди хлориди натрии табиат дар таркиби оби баҳру уқёнусҳо дар ҳолати маҳлул мебошад. Захираҳои калони Намакганг асосан дар натиҷам просессҳои экзогенӣ дар ҳавзаҳои оби иқлими аридӣ ҳангоми босуръат бухоршавии оби онҳо пайдо мешаванд (ниг. низ Намакҳои табиӣ). Намаксанг дар байни ҷинсҳои таҳшинӣ дар шакли қабатҳои ғафс ба даҳҳо км² паҳн ме­шавад, дар ҷои дигар мағзи структу­раҳои гунбазшакли ҷинсҳои таҳшиниро пур мекунад. Инчунин дар шакли линза ва қабатҳои тунук вомехӯрад. Намаксакро дар хоҷагии халқ ва­сеъ истифода мебаранд (ниг. Намаки ош). Таҳнишастҳои қариб ҳамаи давраҳои геологӣ Намаксанг доранд. Конҳои калонтарини он дар Белоруссия, Ук­раина, Урал, назди Каспий, Осиёи Миёна ва дигар ҷойҳо мавҷуданд. Тоҷикистон дорои захираи ниҳоят ка­лони Намаксанг аст.