МОРДУМҲО (Ophiuroidea), як синфи ҳайвонҳои қаъри баҳрро гӯянд, ки ба сӯзанпӯстҳо мансубанд. Баданашон рафидашакл буда (кутраш то 2, баъзан то 10 см), аз он 5(10)-тогӣ мӯйлабчаҳои дарозу нарми сербугум ба ҳар тараф паҳн мешавад. Қариб 2 ҳазор намуди Мордҳо (аз ҷумла 120 намудашон дар СССР) маълуманд. Дар қаъри баҳру уқёнусҳо (то чуқурии 8 км) зиндагӣ мекунанд; аксар гурӯҳҳои калонро ташкил медиҳанд. Мордҳо хӯроки моҳиҳо мебошанд. Бештар Мордҳо ҷудоҷинса буда, одатан бо метаморфоз инкишоф меёбанд; кирминаи онҳо — офиоплутеус озодона шино мекунад. Баъзе намудҳои Мордҳо зиндазоӣ, намудҳои дигарашон бо роҳи тақсимшавӣ меафзоянд. Хӯрокашон ҳайвонҳои майда ва детрит мебошанд. Тасвир дар мақолаи Сӯзанпӯстҳо.