Таджикистан – Энциклопедия на таджикском языке КИТОБАМ
МИРОҚИЛОВ Темур Мирзохидович (таваллуд 7.11.1929, ш. Қӯқанд, РСС Таб.), иқтисодчии советии тоҷик, доктори илмҳои иқтисодӣ (1969), профессор (1971). Аъзои КПСС аз соли 1953. Мироқилов баъди хатми Институти давлатии педагогии Душанбе (1952) ассистенти кафедраи иқтисоди сиёсии Институти Давлатии тиббии Душанбе (1952 —53) аспиранти Институти иқтисодиёти АФ СССР (1954—56), ассистент, муаллими калони Институти хоҷагии қишлоқи Тоҷикистон (1957—59), доцент ва мудири кафедраи марксизм-ленинизм (1959—64), мудири кафедраи иқтисодӣ сиёсии ҳамин институт (аз соли 1964) шуда кор кардааст. Мироқилов аэ соли 1955 кори илмӣ бурда, доир ба иқтисодиёти хоҷагии халқ — муносибат ва роҳҳои мустаҳкам намудани ҳисоби хоҷагӣ дар саноат, колхоззу совхозхо зиёда аз 70 асари илмӣ («Ҳисоби Хоҷагӣ ва даромаднокӣ, арзиш ва арзиши аслӣ», 1961; «Ҳисоби хоҷагӣ ва роҳҳои мустаҳкам кардани он дар саноат», 1962; «Мустақилии корҳо истарабаҳо ва ҳисоби хоҷагӣ», 1966; «Ҳавасмандгардонии иқтисодӣ дар шароити нав», 1968; «Ҳисоби хоҷагӣ дар колхозҳо», 1969 ва ғ.) навиштааст. Мироқилов ҷонишини раиси секцияи иқтисодии Шӯъбаи осиёимиёнагии ВАСХНИЛ (аз соли 1973) буда, барои тадқиқи муносибатҳои ҳисоби хоҷагӣ ба коркунони муассисаҳои тадқиқоти илмии республикаҳои Осиёи Миёна ёрии илмӣ мерасонад. Бо ордени «Нишони Фахрӣ», медальҳо ва Грамотаи Президиуми Совети Олии РСС Тоҷикистон мукофотонида шудааст.
Ас.: Стимулҳои иқтисодии афзун гардонидани самараи истеҳсолот, Д., 1975; Хозрасчётные фонды потребления как форма распределения по труду, Д., 1969; О системе хозрасчётных категорий, Д., 1975.
У. Таиров.
