ФРАНСИЙ

ФРАНСИЙ (аз лотинӣ Ғransium), Ғг, элементи химиявии радиоактив аз гурӯҳи 1 системаи даврии Менделеев, мансуби металлҳои ишқорӣ; рақами атомӣ 87. Изотопи табии нисбатан собиттараш 233Ғг (даври нимкоҳишаш 22 дақиқа). Франсийро соли 1939 олими франсавӣ М. Перей кашф карда, ба шарафи ватанаш (Франсия) Франсий номид. t гуд. қариб 8°С, t ҷӯшиш 620°С, зичиаш 2,5 г/см3. Франсий аз тамоми металлҳои ишқорӣ дида фаъолтар аст.