Дарёи Абакан

Абакан, дарё дар кишвари Крас­ноярски Федератсияи Россия, шохоби чапи дарёи Енисей. Дарозиаш 514 км; масоҳаташ ҳавзааш 32 000 км². Дар поёнобаш дар як сония 400м³ об ҷорӣ меша­вад. Дар натиҷаи ба ҳамдигар ҳамроҳ шудани Абакани Хурд ва Абакани Калон, ки аз нишебиҳои шимолии Саяни Ғарбӣ ва кӯҳҳои Олтой сар мешаванд, ба вуҷуд меояд. Ба Обанбори Красноярск мерезад. Манбааш барфу борон. Аз ноябр то охири апрел ях мебандад. Барои чӯбронӣ ва обёрӣ исти­фода мешавад. Дар соҳили Абакан шаҳри Абакан мавҷуд аст.