БОҚИЕВ Алишер Худойназарович

БОҚИЕВ Алишер Худойназарович (таваллуд 21.12.1974, шаҳраки Сомониён ноҳияи Рӯдакӣ), варзишгари тоҷик, гӯштингир, Устоди шоистаи варзиши Тоҷикистон оид ба гӯштини дзюдо (2001) ва қураш (2003), Устоди варзиши дараҷаи байналмилалӣ аз намуди олимпии дзюдо, қураш, самбо, «гӯштингирӣ». Мураббии шоистаи варзиши Ҷумҳурии Тоҷикистон (2006). Нозукиҳои гӯштини миллии қу­раш ва дзюдоро аз падараш – Мураббии хидматнишондодаи варзиши ҶШС Тоҷикистон Боқиев X. Ғ. омӯхтааст. Хатмкардаи Донишкадаи тарбияи ҷисмонии Тоҷикистон (1996). Аз соли 1996 мураббии Мактаби махсуси варзишӣ оид ба дзюдои ноҳияи Рӯдакӣ. Чемпиони чандинкаратаи Тоҷикистон аз рӯйи намудҳои гӯштини дзюдо, самбо ва қураш. Ҷоизадори бозиҳои Осиё дар шаҳри Хиросимаи Ҷопон (1994; ҷойи 5-ум). Соли 2001 дар Чемпионати Осиё дар шаҳри Улан-Батор (ҶХМ) сазовори ҷойи дуввум ва медали нуқра гардид. Чемпиони Осиё дар бах­ши гӯштини миллии қураш (2001, шаҳри Тошканд).

Н. Шарипов.