Абдуллоев Файзулло (1954, ноҳияи Фархор – 1993, Душанбе), генерал- майори милитсия (1993, пас аз вафот). Хатмкардаи Институти давлатии педгогии Душанбе (1977) ва Мактаби милитсияи ВКД СССР дар Тошканд (1989).
Хизмат дар сафи Қувваҳои Мусаллаҳи Иттифоқи Советӣ (1977 – 1979), нозири кор бо ноболиғони шӯъбаи кофтукови ҷиноятии Раёсати корҳои дохилии шаҳри Душанбе (1979 – 1988), сардори Шӯъбачаи милитсияи Шӯъбаи корҳои дохилии ноҳияи Рӯдакӣ (1988 – 1990), муовини сардори Шӯъбаи корҳои дохилии ноҳияи Исмоили Сомонӣ (1990 – 1991, сардори Шӯъбаи корҳои дохилии ноҳияи Ҳисор (1991 – 1992). Аз 26. декабри 1992 командири баталиони таъйиноти махсуси ВКД Ҷумҳурии Тоҷикистон буд. Бо медалу ифтихорномаҳои давлатӣ сарфароз гардидааст.