СКАТОЛ

СКАТОЛ (аз юнонӣ ckor — саргин), В-метиллиндол, пайвасти гетеросиклӣ. Кристалли беранги бадбӯй; t гудозишаш 95⁰С, t  ҷӯшишаш  265°С. Дар об ҳал нашуда, дар ҳалкунандаҳои органикӣ ҳал мешавад. Скатол ба миқдори кам дар зифти ангиштсанг ва баъзе равғанҳои эфирӣ мавҷуд аст; ҳангоми пӯсидани моддаҳои сафедавӣ ҳосил мешавад. Скатоли синтезиро бо роҳи гарм кардани фенилгидразони алдегиди пропионат ҳосил мекунанд. Скатол дар ҳолати маҳлул хушбӯй буда, чун моддаи муаттар дар атриёт истифода мешавад.