PACK (Rask) Расмус Кристиан (22. 11. 1787, Бренненкилле, ҷазираи Фюн—14. 11. 1832, Копенгаген), забоншиноси даниягӣ. Китобдор (1829) ва профессори забонҳои шарқии Университети Копенгаген (1831). Яке аз асосгузорони методи муқоисавии таърихӣ дар забоншиносӣ буда, ин методро аввалин бор дар ҳалли масъалаи пайдоиши забони исландӣ татбиқ кард ва бо роҳи муқаррар намудани мувофиқати овозҳо ва муқоисаи парадигмаҳои грамматикӣ, хешии забонҳои германӣ ва забонҳои балтин славянӣ, юнонӣ ва лотиниро ба исбот расонид («Тадқиқи пайдоиши забони қадимии шимолӣ ё забони исландӣ», 1818). Раск қисми зиёди тағйиротҳои фонетикӣ — табдилшавии ҳамсадоҳои немисию германиро дар асоси қонуни Гримм ошкор сохт. Ҳамчунин ба омӯзиши муқоисавии таърихии забонҳои балтии славянӣ, фину угорӣ ва ҳиндуэронӣ машғул буд. Раск асосгузори забоншиносии илми дар Скандинавия.
Ос.: Исследования в области древнесеверного языка или происхождение исландского языка (извлечения) дар кит.: Звегинцев В. А., История языкознания XIX—XX веков в очерках и извлечениях, 3 изд., ч. 1,М., 1964.