Орлеани Нав

Орлеани Нав (New Orleans), шаҳрест дар ҷануби Штатҳои Муттаҳидаи Америка, дар штати Луизиана. Яке аз бандарҳои калонтарини мамлакат дар соҳили чапи дарёи Миссисипӣ ва назди халиҷи Мекси­ка. Узели калони роҳи оҳан, маркази му­ҳимми молия ва тиҷорат (пахта, ғалла, қанд ва ғайра).

Аэропорт дорад. Аҳо­лиаш 570 ҳазор нафар (зиёда аз ‘/4 ҳиссааш зангиён), бо атрофи шаҳр 1,1 миллион нафар (1975). Дар Орлеани Нав махсусан саноати маҳсулоти нефт ва химия (каучуки синтезӣ ва дигар маҳсулоти химиявӣ), истеҳсоли гилхоку алю­миний, инчунин саноати хӯрокворӣ (тоза кардани қанд, ба фурӯш тайёр намудани меваю сабзавоте, ки аз Америкаи Лотинӣ кашонда мешавад ва ғайра) ривоҷ ёфтааст. Корхонаҳои са­ноати киштисозию таъмири киштӣ, авиатсионию кайҳонӣ, истеҳсоли аслиҳа низ мавҷуданд. 5 университет дорад.

Шаҳрро соли 1718 франсавиҳо дар ҷои бошишгоҳи ҳиндуён бунёд кардаанд.