Нахлиҳо (Агесасеае ё Palme), оилаи растаниҳои дарахтмонанди якпаллагӣ. 240 ҷинси Нахлиҳо, ки қариб 3400 намудро дарбар мегирад, асосан дар тропика ва субтропика паҳн шудааст. Бисьёр намудҳои Нахлиҳо дар Осиё (Индонезия), Африка ва Америкаи Ҷанубӣ, фақат 1 намуди онҳо (Chamac rops) дар Европа (Испания, Франциян Ҷанубӣ) мерӯянд.
Нахлиҳо аксаран шох намеронанд. Қадашон то 60 метр ва қутрашон то 1 метр мешавад. Барги пайдарпаи паршакл (дарозиаш то 15 метр) ё панҷа-панҷа доранд; Дар 5—12 баъзан 30—50- умин соли ҳаёташон гул карда, мева медиҳанд. Нахлиҳо асосан растании якхонагӣ буда, гулҳои якҷинса (баъзан дуҷинса)-и майдаи 3-узва ва ғуҷуммева ё донакмева доранд.
Нахлиҳо аҳамияти калони иқтисодӣ дорад. Меваи аксари Нахлиҳо (масалан, хурмобун) чун хӯрок истифода мешавад. Рафия.
Аз меваи хоми норҷил шири кокос мегиранд. Аз меваи пӯсташ тоза кардашуда равған ва маргарин ҳосил мекунапд. Аp пояи Нахлиҳо нах мегиранд. Дар СССР Нахлиҳоро дар соҳилҳои ҷанубии Қрим ва соҳилҳои баҳри Сиёҳи Кавказ, қисми ғарбии РСС Туркманистон ва ғайра парвариш мекунанд. Нахлиҳоро аз тухм, фарғуч, навдаи решагирифта зиёд мекунанд. Дар РСС Тоҷикистон Нахлиҳо растании таҳҷоӣ набуда, фақат баъзе намудашон чун растании ороишӣ парвариш карда мешаванд.
Адабиёт: Деревья и кустарники СССР, том 2, Москва— Ленинград, 1951; Сааков С. Г., Пальмы и их культура в СССР, Москва—Ленинград, 1954; С и н я г и п И. И., Тропическое земледелие, Москва, 1968.