Намиб

Намиб (Namib), биёбонест дар назди  соҳилҳои ҷанубу ғарбии Африка, асосан дар Намибия. Тӯлаш қариб 2100 км, бараш аз 50 то 130 км. Сатҳаш ҳамвори зина-зина, баландиаш то 1000—1200 м. Қисми шимолиаш санглоху регзор, ҷанубнаш — санглох. Ба туфайли бодҳои хунуки уқёнусӣ ҳарорати ҳавои биёбон доимо паст, зимистон +12, +13° С, тобистон 17—19° С. Боришоти солона камтар аз 100 мм. Сертумав. Биёбонро дарёҳои Кунене ва Норанҷӣ бурида мегузаранд. Дар ҷойҳое, ки обҳои зеризаминӣ на он қадар ҷуқуранд, да- рахтони ақоқиё, сарв ва ғайра мерӯянд. Намиб конҳои алмос ва уран дорад.