МУЛОИМАТ (арабӣ — нармӣ, ҳалимӣ, мувофиқат), дар истилоҳи мусиқии Шарқ номи овоз ва бӯъдҳои (интервалҳои) форам ва ҳамоҳанг. Дар мусиқишиносии имрӯза ба ҷои он истилоҳи консонанс истифода мешавад. Ба Мулоимат зуларбаъ (ҳоло кварта), аулхамс (квинта), аул- кулл (октава), зулкул ва-л-арбаъ (ундесима) зулкул ва-л-хамс (дуодесима) барин интервало, ҷинсҳои чор ва панҷ зинадор (тетрахорд ва пентахордҳо), лаҳнҳои ба асарҳои мусиқӣ мувофиқ дохил мешаванд. Акси Мулоимат мунофараг.