БОҚИЕВА Суфро (15.12.1926, деҳаи Шаҳраки ноҳияи Исфара – 3.6.2009, ҳамон ҷо), говдӯш, Қаҳрамони Меҳнати Сотсиалистӣ (1966), Устоди чорводории Ҷумҳурии Шӯравии Сотсиалистии Тоҷикистон (1967). Солҳои 1941-54 колхозчӣ, 1954—58 сардори бригадаи пилапарварӣ, 1958-84 говдӯш, 1984-90 сардори звенои фермаи чорводории колхози ба номи Ленин ноҳияи Исфара буд. Соли 1966 аз ҳар сар модагов 3,5 ҳазор литр шир душидааст. Депутати Шӯрои Олии Ҷумҳурии Шӯравии Сотсиалистии Тоҷикистон (даъватҳои 6-8). Бо орденҳои Ленин, Револютсияи Октябр, медалҳо ва грамотаҳои фахрии Раёсати Шӯрои Олии Ҷумҳурии Шӯравии Сотсиалистии Тоҷикистон сарфароз гардидааст.
Tags Шахсони машҳур
Инчунин кобед
САФОЛ
САФОЛ, маснуот ва ашёест, ки дар натиҷаи ба ҳам омехтани гилмоя, хамираи минералҳо, оксидҳо ва …