Баҳри Саргас

САРГАС (баҳри Саргас), як қисми уқёнуси Атлантикро гӯянд, ки дар арзҳои субтропикӣ байни ҷараёнҳои Канар, Пассати Шимолӣ ва Голфстрим (байни 23—35* а-. ш. ва 30—68* т. ғ.) воқеъ гаштааст. Масоҳаташ 6—7 миллион километр2 (сарҳадаш бинобар тағйироти мавсимии ҷараёни об номуайян аст). Дар Саргас шамол ва ҷараёни об сусту ноустувор аст. Ҳарорати об зимистон 18— 23Селсия, тобистон 26—28°Селсия. Шӯриаш 36,5—37,0%о. Дар рӯи оби Саргас тӯдаҳои зиёди обсабзҳои саргас шино мекунанд, ки онҳо боиси чунин ном гирифтани баҳр гардиданд. Дар баҳри Саргас ҷазираҳои Бермуд ҷой гирифтаанд.