АБРАЗИЯ

АБРАЗИЯ, (лотинӣ abrazio – тароши­дан), аз бархӯрдани (латмазании) мавҷҳои об вайрон шудани соҳилҳои укёнус, баҳр, кӯл ва обанборҳои калон. Омилҳои асосии бавуҷудоии Абразия нишебии сатҳи соҳил, таркиби геологии он, дараҷаи қувваи мавҷ мебошанд.

Абразия дар сатҳи аз об баланди соҳилҳо суфа ва зинаҳои ба ном абразиявӣ ва поёнтар суфаҳои аккумулятивӣ (тӯдаи шағал, peг ва ғайра) ба вуҷуд меоварад. Абр бештар дар обанборҳои нав ё ҷойҳои баландшавии сатҳи об ба мушоҳида мерасад ва зери бинову иншооти наздисоҳилиро хароб кар­да, ҳисороти иқтисодӣ ва экологӣ ме­расонад.