ТУРКҲО (худ низ турк гуянд), миллат, аҳолии асосии Туркия. Шумораашон дар Туркия 40 млн нафар (1980). Дар Булғория (зиёда аз 700 ҳазор), Югославия (тақрибан 200 ҳазор), Юнон (қариб 100 ҳазор), Кипр (тақрибан 100 ҳазор), Руминия, Ироқ, СССР ва ғайра низ зиндагӣ мекунанд.
Бо забони туркӣ гап мезананд. Диндорон мусулмони суннимазҳабанд. Аз ҷиҳати антропологӣ Туркҳо ба нажоди баҳримиёназаминӣ мансубанд.