ТАМОШОКАДУ

ТАМОШОКАДУ (Lagenaria), як навъ зироати полизист (аз оилаи кадуҳо). Палакаш хеле дароз мешавад. Тамошокаду гуногуншакл (мурудшакл, зуғӯташакл ва ғайра) аст.

Дар бнсёр мамлакатҳои Осиё ва Африка аз тамошокаду зарфҳои гуногун, асбобҳои мусиқӣ (масалан, нақораи там-там), чилим, носдон ва ғайра месозанд. Ҳосили навраси тамошокадуро чун бодиринг мехӯранд. Пештар дар Осиёи Миёна (аз ҷумла Тоҷикистон) низ баъзе навъҳои тамошокадуро мепарвариданд ва аз онҳо зарфҳои ҷурғот ва обу донгирӣ месохтанд.